नाम, विषय र कलाकारका कारण अनुमति नदिइएको चलचित्रको छायांकन भइरहेकाले रोक्न पत्र पठाएको थियो । चलचित्रमा अर्चना पनेरु नै मुख्य कलाकार थिइन् । यत्रो लफडा भए पनि अन्तिममा चलचित्रको नाम र कलाकारमा केही परिवर्तन नगरी बोर्डले निर्माण अनुमति दियो र लोक हँसायो । त्यतिबेला बोर्ड अध्यक्षले अर्चना पनेरुमाथि नै आपत्ति जनाएका थिए तर ‘छेस्को’को पत्रकार सम्मेलनमा बोर्ड अध्यक्ष राई नै प्रमुख अतिथि भएर पुगे । चलचित्रलाई शुभकामना दिएसँगै उनको आलोचना सुरु भएको छ ।
उता, ‘गाजाबाजा’ चलचित्रको नाममै आपत्ति जनाउँदै बोर्डले निर्माण अनुमति नदिएपछि यसका निर्देशक सर्वोच्चमा मुद्दा लडिरहेका छन् । अर्काेतिर यस्ता छाडा चलचित्र बनिरहेका छन् । यता, चलचित्र विकास बोर्डमा संगृहीत झन्डै ३ हजार नेपाली सिनेमाको रिल नष्ट हुने अवस्थामा पुगेको छ । यी रिल नष्ट भएको खण्डमा नेपाली सिनेमा क्षेत्रको इतिहास नै नष्ट हुने चिन्ता छ ।
१६ एमएम र ३५ एमएमका ३ रिलमा पहिलो चलचित्र सत्य हरिशचन्ददेखिका पुराना ऐतिहासिक चलचित्रको अर्काइभ गरिएको थियो । अहिले ती रिलै नष्ट हुने अवस्थामा पुग्न लाग्दासमेत रिल सुरक्षित गर्नेतर्फ बोर्डको ध्यान जान सकेको छैन । जनआस्था साप्ताहिकबाट
0 comments:
Post a Comment