बोल्न नसक्ने महिलालाई बलात्कार गरेको आरोपमा प्रहरी पक्राउ

कपिलवस्तु । रक्षक नै भक्षक भएपछि कस्को के लाग्छ । त्यस्तै भएको छ कपिलवस्तुमा । बोल्न नसक्ने महिलालाई बलात्कार गरेको आरोपमा कपिलवस्तुमा सशस्त्र प्रहरी जवान पक्राउ परेका हुन् । कपिलवस्तुको शिवराज नगरपालिका १० की एक बोल्न नसक्ने महिलालाई महिलालाई बलात्कार गरेको आरोपमा प्रहरीले सशस्त्र प्रहरी जवान लोकराज वस्तीलाई पक्राउ गरेको हो ।

 आइतवार राति करिब ८ बजे थारु सामुदायकी एक बोल्न नसक्ने महिलालाई जबरजस्ती गरेको आरोप वस्तीमाथि लागेको छ । बैतडीको बिसनपुर ६ घर भई हाल कन्चनपुर झलारी नगरपालिका ३ मा बस्दै आएका वस्तीलाई पक्राउ गरी कारबाही गर्न माग गर्दै स्थानीयले पूर्व पश्चिम राजमार्ग अबरुद्ध पारेका थिए । सशस्त्र प्रहरी बल विन्ध्यावासीनी गणले जवान वस्तीलाई वडा प्रहरी कार्यालय चन्द्रौटाको जिम्मा लगाएको हो ।

 ती महिला आइतवार दिउँसो भैंसी चराउन गएका बेला सशस्त्रका जवानहरुले समातेर हातखुट्टा बाँधेर झाडीमा फालेको र अँध्यारो भएपछि बलात्कार गरेको स्थानीयको अाराेप छ । घटनास्थलमा सशस्त्र प्रहरी ड्रेस एक जोर, चप्पल, फुटेका चुरा र साबुन भेटिएकाे थियो । घटनास्थलको प्रकृति हेर्दा सशस्त्र प्रहरीले नै बलात्कार गरेको प्रमाणित भएको भन्दै स्थानीयले सडक बन्द गराएका थिए ।

 पीडित महिलालाई आइतवार राति नै स्वास्थ्य परीक्षण गराउन बहादुरगन्ज पठाइएको थियो । सोमबार विहान उनको अवस्था सामान्य नभएको भन्दै चन्द्रौटास्थित अस्पतालमा उपचारका लागि भर्ना गरिएको छ । सशस्त्र प्रहरी बल विन्ध्यवासीनी गणले गल्ति गर्ने जो सुकैलाई पनि कार्वाही हुने बताएको छ ।