भाउ बढेकी साम्राज्ञी

फिल्म फ्लप हुँदा त हिरोइनको चुरीफुरी खपिनसक्नु हुन्छ । झन् साम्राज्ञी राज्यलक्ष्मी शाहको त पहिलो फिल्म ड्रिम्स सुपरहिट भयो । ड्रिम्सले पैसा त कमायो नै, सँगै साम्राज्ञीले अभिनयसँगै सुन्दरताबाट प्रशंसा पनि कमाइन् । यत्ति भएपछि के चाहियो र भाउ बढ्नलाई ?

 त्यसमाथि अनमोल केसीको को–स्टार न परिन् । पारिश्रमिक ह्वात्तै बढाएकी छन् । प्रोजेक्ट अनुसार केही थपघट भए पनि सात लाख रुपियाँसम्म डिमान्ड गर्छिन् । ड्रिम्स रिलिजपश्चात् उनलाई अफर गर्ने निर्माता/निर्देशक त्यस्तै भन्छन् ।

पारिश्रमिकमा कुरा नमिलेकै कारण प्रतीक्षित फिल्म समर लभ गुमाउनु परेको छ । ए मेरो हजुर २ र नीलु डोल्माको नयाँ प्रोजेक्टमा अनुबन्ध हुने कुरा छ । क्रेज अनुसार साम्राज्ञीको माग सही होला तर त्यसलाई जोगाउन कत्तिको सफल हुनेछिन्, त्यसमै अड्नेछ उनको साख ।