यौन अपराधको मुद्धा लागेपछि उपसभामुखद्वारा राजीनामा

पेरिस, वैशाख । 

फ्रान्स संसदका उपसभामुख डेनिस वाउपिनले यौन उत्पीडन गरेको आरोप लागेपछि सोमबार आफ्नो पदबाट राजीनामा दिएका छन् ।   वाउपिनमाथि चार जना महिलाले आफूलाई यौन अपराध गरेको दाबीका साथ अदालतमा मुद्दा दायर गरेपछि नैतिकताको आधार देखाई राजीनामा दिएको बताएका छन् । 

  यद्यपि वाउपिनले आफूमाथि लागेको आरोप निराधार रहेको बताउँदै आएका छन् ।   यकोलोजिस्ट ईईएलभी पार्टीबाट उपसभामुख निर्वाचित बनेका वाउपिनले फ्रान्सकै आवास योजना मन्त्री इमान्युल कोजसँग विवाहित जीवन बिताउँदै आएका छन् ।