रक्सीको पैसा मन्दिरमा !

बैतडी, वैशाख ।

जिल्ला प्रहरी कार्यालय बैतडीले मादक पदार्थ सेवनबापत कारबाहीबाट उठेको पैसा जिल्लाको एक प्रसिद्घ मन्दिर पुनःनिर्माणका लागि दिएको छ ।

 प्रहरी प्रमुख तथा प्रहरी नायब उपरीक्षक मोहनप्रसाद पोखरेलका अनुसार मापसे कारबाहीबाट उठेको रु २१ हजार ५०० दशरथचन्द नगरपालिका–१ गढीस्थित प्रसिद्घ जगन्नाथ मन्दिर पुनःनिर्माणका लागि दिएको बताए । सो रकम एक महिनाको अवधिमा मापसे कारवाहीबाट उठेको हो । २०७२ चैत १० गतेदेखि २०७३ वैशाख २१ गतेसम्मको अवधिमा २२ जना मापसे कारबाहीमा परेको उनले बताए ।